ప్రపంచవ్యాప్తంగా కరోనా సీఎఫ్ఆర్(కేస్ ఫటాలిటీ రేట్) అత్యల్పంగా ఉన్న దేశాల్లో భారత్ ఒకటని కేంద్ర ఆరోగ్యశాఖ వెల్లడించింది. సీఎఫ్ఆర్ క్రమక్రమంగా తగ్గుతూ.. ప్రస్తుతం 2.49శాతాని చేరిందని పేర్కొంది. ఆసుపత్రుల్లో చేరుతున్న బాధితులకు మెరుగైన చికిత్స అందిస్తుండటమే ఇందుకు కారణమని పేర్కొంది.
నమోదైన కేసులు, మరణాల నిష్పత్తినే సీఎఫ్ఆర్(కస్ ఫటాలిటీ రేట్) అంటారు. 29 రాష్ట్రాలు, కేంద్రపాలిత ప్రాంతాల్లో సీఎఫ్ఆర్... భారత మరణాల రేటు సగటుకన్నా తక్కువగా ఉందని కేంద్ర ఆరోగ్యశాఖ వెల్లడించింది. వీటిల్లోని ఐదు రాష్ట్రాల్లో సీఎఫ్ఆర్ 0 అని, 14 రాష్ట్రాల్లో సీఎఫ్ఆర్ 1శాతం కన్నా తక్కువగా ఉందని పేర్కొంది.
ఇదీ చూడండి:- భారత్లో కొత్తగా 38,902 కేసులు, 543 మరణాలు
కరోనా కట్టడి వ్యూహాలను సమర్థంగా అమలు చేయడం, పరీక్షలు విస్తృతంగా చేపట్టడం, నిబంధనలు పాటిస్తూ ప్రామాణిక చికిత్స అందించడం ద్వారా దేశవ్యాప్తంగా మరణాల రేటు తగ్గుతోందని స్పష్టం చేసింది ఆరోగ్య శాఖ.
గత నెలలో 2.82శాతంగా ఉన్న మరణాల రేటు.. ఈ నెల 10వ తేదీకి 2.72శాతానికి చేరింది. తాజాగా 2.49కి దిగొచ్చింది.
ఇదీ చూడండి:- 'ఆపరేషన్ కరోనా'పై పార్లమెంటరీ కమిటీల పరిశీలన
